सोमबार, साउन २२, २०८०
पछिल्लो समय काण्डैकाण्डका फाइल खुल्ने क्रममा अब ‘गिरी बन्धु टी स्टेट प्रालि’ अनियमितताबारे जरैसम्म पुगेर हदैसम्म कारबाही गर्नु पर्ने दबाब सत्तारूढ माओवादीका नेताहरूले प्रधानमन्त्री पुष्पकमल दाहाल प्रचण्डलाई दिन थालेका छन् । जस्का कारण बालकोटको निदहराम भएको उच्च स्रोतले देशान्तरलाई बताएको छ । यो फाइल खुलेमा नक्कली भुटानी शरणार्थी प्रकरण र ललिता निवास जग्गा प्रकरणमा जस्तै नीतिगत निर्णय गर्ने तत्कालीन प्रधानमन्त्री एवं एमाले अध्यक्ष केपी ओली र तत्कालीन भूमि व्यवस्था तथा सहकारीमन्त्री एवं एमाले सचिव पद्मा अर्याललाई कारबाही पर्ने निश्चितजस्तै छ । अझै ओलीको सरकारले गरेको ओम्नी काण्ड, यती होल्डिङ्ग्स काण्ड, वाइडवडी काण्डलगायतका सवैको छानबिन गर्ने हो भने उनी उम्किने सम्भावना नै छैन ।
बिहीबार, साउन १८, २०८०
माओवादीले सशस्त्र विद्रोह छोडेर खुला राजनीतिमा आएको डेढ दशक पूरा भयाे । तर, संसदीय राजनीतिमा गति लिँदै गर्दा माओवादीले आफ्नो जनाधार बिर्सिंदै गयो । अवसरवाद जालाेमा फसेको माओवादीमा अधिकांश अनुहार अवसरको खोजीमा भित्रिए । अध्यक्ष पुष्पकमल दाहाल प्रचण्डनिकट भएर छोटो समयमा नै ठूलो अवसर पाउने धेरै भाग्यमानी छन् माओवादीमा । जसले छोटो समयमा नै ठूलो अवसर पाए तर तिनैले माओवादीलाई अप्ठेरो पर्दा भने साथ छाडेर बाटाे लागे ।
बुधबार, साउन १०, २०८०
प्रमुख प्रतिपक्षी नेकपा एमालेले उपप्रधान तथा गृहमन्त्री नारायणकाजी श्रेष्ठ र अर्थमन्त्री डा.प्रकाशशरण महतको राजीनामा माग्ने भएको छ । अवैध रुपमा सुन आयात हुँदा दुवै मन्त्रीले जिम्मेवारी कुशलतापूवर्क निर्वाह गरेको नदेखिएको बताउँछन् एमालेका प्रमुख सचेतक पदम गिरी । उनी भन्छन्, ‘गृह र अर्थमन्त्रीले सुन काण्डको नैतिक जिम्मेवारी लिनुपर्छ । यो कुरा संसदमा हामी जोडदार रुपमा उठाउँछौं ।
बुधबार, साउन ०३, २०८०
राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले स्कुले बालबालिकालाई पार्टीमा प्रवेश गराएका छन् । ३० असारमा राप्रपा मोरङ क्षेत्र नम्बर ३ (ख) ले विराटचोकमा गरेको कार्यक्रममा लिङ्देनले दुई नाबालक र एक किशाेरीलाई अबिर लगाएर पार्टीमा भित्र्याएका हुन् । लिङ्देनकाे हातबाट अबिर-खादा लगाएर राप्रपामा प्रवेश गरेका विराटनगरका १४ वर्षे बालक ९ कक्षामा पढ्छन् । एक समारोहका बीच लिङ्देनले अन्य केही किशाेर-किशोरीलाई पार्टीमा प्रवेश गराएको सार्वजनिक भिडियोमा देखिन्छ । गत शनिबार विराटचोकमा भएको ‘राप्रपा अगुवा कार्यकर्ता भेला तथा पार्टी प्रवेश कार्यक्रम’मा बालबालिकालाई अध्यक्ष लिङ्देनले नै खादा र अबिर लगाएर पार्टीमा स्वागत गरेका थिए ।
