क्यानाडाका प्रधानमन्त्री जस्टिन ट्रुडोले सोमबार आफ्नो नेतृत्वप्रति बढ्दो असन्तुष्टिको सामना गर्दै र आफ्ना अर्थमन्त्रीको अचानक बिदाइले सरकारभित्र बढ्दो उथलपुथलको सङ्केत गरेपछि राजीनामा घोषणा गर्नुभएको छ ।
ट्रुडोले ‘आन्तरिक लडाइँ’ को अर्थ उहाँ अर्को चुनावमा ‘उत्तम विकल्प हुन नसक्ने’ बताउनुभयो । उहाँले लिबरल पार्टीको नयाँ नेता चयन नभएसम्म प्रधानमन्त्री पदमा रहने योजना बनाएउनुभएको छ ।
यस मामिलासँग परिचित एक अधिकारीले जनवरी २७ मा पुनः सुरु हुन लागेको संसद् मार्च २४ सम्म स्थगित हुने बताए । यो समयले लिबरल पार्टीको नेतृत्व प्रतिस्पर्धाको लागि अवसर दिनेछ ।
सबै तीनवटै मुख्य विपक्षी दलले संसद् पुनः सुरु हुँदा अविश्वास मतमा लिबरल पार्टीलाई हटाउने योजना बनाएको बताएका छन् । त्यसैले स्थायी प्रतिस्थापन छनोट गर्न वसन्त ऋतुमा चुनाव लगभग सुनिश्चित भएको थियो ।
कन्जर्भेटिभ पार्टीको १० वर्षको शासनपछि ट्रुडो सन् २०१५ मा सत्तामा आउनुभएको थियो र सुरुमा देशलाई उदार अतीतमा फर्काएकोमा उहाँको प्रशंसा गरिएको थियो ।
तर क्यानाडाका सबैभन्दा प्रसिद्ध प्रधानमन्त्रीहरूमध्ये एकका ५३ वर्षीय वंशज खाद्यान्न र आवासको बढ्दो मूल्य तथा बढ्दो आप्रवास लगायतका विभिन्न मुद्दामा पछिल्ला वर्षहरूमा मतदाताहरूमाझ अत्यन्त अलोकप्रिय बन्नुभएको थियो ।
राजनीतिक उथलपुथल क्यानाडाका लागि अन्तर्राष्ट्रिय रूपमा कठिन क्षणमा आएको छ ।
अमेरिकी राष्ट्रपति निर्वाचित डोनाल्ड ट्रम्पले सरकारले अमेरिकामा आप्रवासी र लागूपदार्थको प्रवाह नरोके सबै क्यानाडाली सामानहरूमा २५ प्रतिशत भन्सार महसुल लगाउने धम्की दिनुभएको छ ।
प्रतिकिर्या