अन्तर्राष्ट्रिय

कुर्स्क क्षेत्रबाट दुई उत्तर कोरियाली सैनिक नियन्त्रणमा लिइएको युक्रेनको दावी


erastriya आइतबार, पुस २८, २०८१

 

युक्रेनले कुर्स्क क्षेत्रबाट दुई उत्तर कोरियाली सैनिक नियन्त्रणमा लिएको युक्रेनी सेनाले दावी गरेको छ ।

 

युक्रेनका राष्ट्रपति भोलोदिमिर जेलेन्स्कीले सेनालाई उद्धृत गर्दै रूस र युक्रेनबीच जारी द्वन्द्वबीच कुर्स्क क्षेत्रमा दुई जना उत्तर कोरियाली सैनिकलाई नियन्त्रणमा लिइएको बताउनुभएको हो । युक्रेनी राष्ट्रपतिले जेलेन्स्कीले भन्नुभयो, “हाम्रा सैनिकहरूले कुस्र्क क्षेत्रमा उत्तर कोरियाली सैनिकहरूलाई पक्राउ गरेका छन्। उनीहरू घाइते अवस्थामा रहेको र उनीहरूलाई आवश्यक अनुसन्धानका लागि किएभ लगिएको छ । उनीहरूले अहिले युक्रेनी सुरक्षा निकायसँग कुराकानी गरिरहेका छन्।”

 

युक्रेनी राष्ट्रपतिले जेलेन्स्कीले युक्रेनको 'स्पेशल अपरेशन फोर्सेज'को ट्याक्टिकल ग्रुप नम्बर ८४ का सैनिक र प्याराट्रूपर्सले उत्तर कोरियाली सैनिकलाई सफलतापूर्वक कब्जा गरेकोमा आभार व्यक्त गर्नुभयो । रूसी सेना र उत्तर कोरियाली सेनाले द्वन्द्वमा उत्तर कोरियाको संलग्नताको प्रमाण रोक्नका लागि आफ्ना घाइतेलाई मृत्युदण्ड दिने गरेको उल्लेख गर्दै उहाँले यस कारबाहीमा संलग्न चुनौतीबारे प्रकाश पार्नुभएको छ । उहाँले भन्नुभयो, “यो सजिलो काम थिएन। रुसी सेना र अन्य उत्तर कोरियाली सैन्य कर्मीहरूले युक्रेनविरुद्धको युद्धमा उत्तर कोरियाको संलग्नताको कुनै पनि प्रमाण मेटाउन सामान्यतया आफ्ना घाइतेहरूलाई गोली हानी हत्या गर्ने गरेका छन् ।”

“यी दुई व्यक्तिहरूलाई पक्राउ गर्न सफल युक्रेनको सशस्त्र बलको विशेष अपरेशन बलको ‘ट्याक्टिकल ग्रुप नम्बर ८४’ का सैनिकहरू र हाम्रा प्याराट्रूपरहरू प्रति म आभारी छु,” उहाँले भन्नुभयो । युद्धबन्दीका रूपमा दुई उत्तर कोरियाली सैनिकले चिकित्सा सहायता प्राप्त गरिरहेको बताउँदै जेलेन्स्कीले युक्रेनको सुरक्षा निकायलाई पत्रकारहरूलाई कैदीहरूसम्म पहुँच प्रदान गर्न निर्देशन दिनुभएको छ । उहाँले भन्नुभयो, “सबै युद्धबन्दीजस्तै यी दुई उत्तर कोरियाली सैनिकले पनि आवश्यक चिकित्सा सहायता प्राप्त गरिरहेका छन् । मैले युक्रेनको सुरक्षा सेवालाई पत्रकारहरूलाई यी कैदीहरूसम्म पहुँच प्रदान गर्न निर्देशन दिएको छु।”

“विश्वले के भइरहेको छ भन्ने सत्य जान्न आवश्यक छ र यसबाट यो जानकारी मिल्नेछ,” उहाँले थप्नुभयो । युक्रेनी र पश्चिमी आँकलनअनुसार, युक्रेनी सेनाले अगस्त २०२४ मा सीमापार आक्रमण गरेपछि धेरै भूभाग कब्जा गरेको कुर्स्कमा करिब ११ हजार उत्तर कोरियाली सैनिकहरूलाई तैनाथ गरिएको छ । यसअघि युक्रेनी सेनाले रूसका लागि लडिरहेका उत्तर कोरियाली सैनिकहरूलाई रूसी नाम र जन्मस्थानसहितको नक्कली सैन्य कागजात दिइएको बताएको सन् २०२४ डिसेम्बर २२ मा अमेरिकी समाचार संस्था सीएनएनले जनाएको थियो ।

यो खबर पढेर तपाईलाई कस्तो महसुस भयो ?

0

प्रतिकिर्या

थप समाचार

विश्वकै सबैभन्दा खतरनाक जेल फेरि खोल्न ट्रम्पको आदेश
विश्वकै सबैभन्दा खतरनाक जेल फेरि खोल्न ट्रम्पको आदेश

बैशाख २२, २०८२

रुस र उत्तर कोरियाका सेना युक्रेनसँगको लडाइँमा, अधिकांश भू–भाग कब्जा गरेको दाबी
रुस र उत्तर कोरियाका सेना युक्रेनसँगको लडाइँमा, अधिकांश भू–भाग कब्जा गरेको दाबी

बैशाख १६, २०८२

एघार महिनादेखि मलेसियामा रोकिएको तिलमायाको शव आज नेपाल ल्याइँदै
एघार महिनादेखि मलेसियामा रोकिएको तिलमायाको शव आज नेपाल ल्याइँदै

चैत ०३, २०८१

रुससँगको युद्ध अन्त्यका लागि अमेरिकासँग वार्ता गर्न युक्रेन तयार
रुससँगको युद्ध अन्त्यका लागि अमेरिकासँग वार्ता गर्न युक्रेन तयार

फागुन २६, २०८१

ताजा अपडेट

  • देउवा र ओलीको स्वार्थ ले राष्ट्र बैंक नेतृत्वविहीन, अर्थतन्त्र थप अनिश्चिततामा

    देउवा र ओलीको स्वार्थ ले राष्ट्र बैंक नेतृत्वविहीन, अर्…

  • माओवादीको मध्य पहाडी लोकमार्ग अभियान अन्तर्गत पाँचथर फिदिम मा, ओर्लियो जनलहर

    माओवादीको मध्य पहाडी लोकमार्ग अभियान अन्तर्गत पाँचथर …

  • विश्वकै सबैभन्दा खतरनाक जेल फेरि खोल्न ट्रम्पको आदेश

    विश्वकै सबैभन्दा खतरनाक जेल फेरि खोल्न ट्रम्पको आदेश

  • रुस र उत्तर कोरियाका सेना युक्रेनसँगको लडाइँमा, अधिकांश भू–भाग कब्जा गरेको दाबी

    रुस र उत्तर कोरियाका सेना युक्रेनसँगको लडाइँमा, अधि…

  • प्रधानन्यायाधीश राउतले पूर्वराजा ज्ञानेन्द्रलाई किन भेटे ?

    प्रधानन्यायाधीश राउतले पूर्वराजा ज्ञानेन्द्रलाई किन भेट…

  • ललिता निवास प्रकरण : माधव नेपाल र बाबुरामविरुद्धको मुद्दा हेर्दाहेर्दैमा

    ललिता निवास प्रकरण : माधव नेपाल र बाबुरामविरुद्धको …

  • न्यायका लागि भौँतारि रहिन न्याय खोज्दाखोज्दै प्राण त्यागिन्

    न्यायका लागि भौँतारि रहिन न्याय खोज्दाखोज्दै प्राण त्या…

  • एकदिवसीय शृङ्खला : नेपाल अफगानिस्तानसँग एक रनले पराजित

    एकदिवसीय शृङ्खला : नेपाल अफगानिस्तानसँग एक रनले परा…