काठमाडौं: अस्पतालमा उपचारका लागि भर्ना भएका एक बिरामीले एम्बुलेन्स चोरी गरी फरार भएको घटना सार्वजनिक भएको छ ।
घटना अमेरिकाको भर्जिनियास्थित एक अस्पतालमा सोमबार भएको हो । इनोभा फेयरफ्याक्स अस्पतालमा उपचाररत बिरामीले सोही अस्पतालमा रहेको एउटा एम्बुलेन्स चोरेर भागेका हुन् ।
स्थानीय प्रहरीले एम्बुलेन्स चोरी गरेर भागेका बिरामीको तस्बिर सार्वजनिक गरेको छ, जुन तस्बिर उनी भाग्दै गरेको अवस्थामा लिइएको हो ।
एम्बुलेन्स चोरेर फरार भएका बिरामीको पहिचान ३२ वर्षीय रिकी लोवेका रुपमा गरिएको छ ।
गाडी दुर्घटनामा परेर उपचार गर्दै थिए उनी…
प्रहरीका अनुसार उनी दुर्घटनामा परेर उपचारका लागि अस्पतालमा भर्ना भएका थिए । आफैँले चलाएको गाडी दुर्घटनामा परेपछि उनी उपचार गरिरहेका थिए ।
प्रहरीका अनुसार, उनको गाडीबाट दुई वटा बन्दुक र केही लागुऔषध समेत बरामद भएको थियो ।
आफू कारबाहीमा पर्ने भएपछि उनी अस्पतालबाट भागेको हुन सक्ने आँकलन गरिएको छ । उनले चोरेको एम्बुलेन्स भने फेला परेको छ ।
उनको खोजतलास जारी रहेको प्रहरीको भनाइ छ ।
प्रतिकिर्या