काठमाडौं — अखिल (क्रान्तिकारी) को २३औं राष्ट्रिय सम्मेलनको तयारी भइरहँदा पवन कार्कीले संगठनको अध्यक्ष पदका लागि आफ्नो उम्मेदवारी घोषणा गरेका छन्। सम्मेलन सुरु हुनु केही दिनअघि नै कार्कीले विद्यार्थी आन्दोलनलाई विधि र विधानअनुसार अगाडि बढाउनका लागि नेतृत्वमा आउने इच्छा व्यक्त गरेका हुन्।
उनले आफ्नो घोषणापत्रमा भनेका छन्, "मेरो उम्मेदवारी विद्यार्थी आन्दोलनलाई नयाँ दिशा दिन, प्रश्नहरूको होइन, उत्तरहरूको आन्दोलन बनाउनको लागि हो।" उनले संगठनभित्रको आन्दोलनलाई व्यवस्थित र सिद्धान्तमा आधारित बनाउनुपर्ने आवश्यकता औंल्याएका छन्। कार्कीको मुख्य उद्देश्य भनेको पुराना विधि र थिति हटाई आन्दोलनलाई नयाँ युगमा पुर्याउनु हो।
यो ऐतिहासिक सम्मेलन संगठनका तत्कालीन उपाध्यक्ष बेनोज अधिकारी, महासचिव पुर्ण पौडेल, र जनयुद्धका प्रथम सहिद दिलबहादुर रम्तेललगायतका हजारौं सहिद तथा बेपत्ता योद्धाहरूको सम्मानमा आयोजना गरिएको हो। यस अवसरमा संगठनले शहीदहरूले देखाएको बाटोमा दृढतापूर्वक अघि बढ्ने नयाँ अठोट, सङ्कल्प, र पुनर्प्रतिबद्धता जाहेर गर्ने योजना बनाएको छ।
जबसम्म नेपाली विद्यार्थी र शिक्षा क्षेत्रका समस्या समाधान हुँदैनन्, विद्यार्थी आन्दोलनको औचित्य समाप्त नहुने उनले ठोकुवा गरेका छन्।
उनी भन्छन्, "विद्यार्थी आन्दोलनलाई पत्रहरूको होइन, उत्तरहरूको आन्दोलन बनाउनका लागि मेरो उम्मेदवारी हो। यो उम्मेदवारी विद्यार्थीहरूका मुद्दाहरूलाई केन्द्रमा राख्दै समाजवादी शिक्षा बहाली गर्न र संविधानमा ग्यारेन्टी गरिएको शिक्षा, स्वास्थ्य, र रोजगारीको मौलिक हकलाई कार्यान्वयन गर्नका लागि हो। साथै, संगठनलाई विधि र विधानमा चलाउने प्रतिबद्धता पनि उनले व्यक्त गरेका छन्।सम्मेलनमा देशभरका विद्यार्थी साथीहरूको सल्लाह, सुझाव, र आग्रहको आधारमा महत्वपूर्ण निर्णयहरू गरिने बताइएका छन।
२३औं राष्ट्रिय सम्मेलनको तयारी भइरहँदा, विभिन्न नेताहरूले संगठनको नेतृत्व लिन उम्मेदवारी घोषणा गरिरहेका छन्। पवन कार्कीको उम्मेदवारीले संगठनलाई नयाँ दिशा र दृष्टिकोण दिनसक्ने विश्वास व्यक्त गरिएको छ। सम्मेलनको दौरानमा संगठनको नयाँ नेतृत्व चयन हुने अपेक्षा गरिएको छ।
उमेद्वारी घोषणा पत्रमा के लेखेका छन् पवन कार्की ले
प्रतिकिर्या